隨筆雜記

【我們只有磚頭】

20160220_153351

昨日趁天氣暖和(其實都只係得8度),行安大略湖邊晒太陽,同天鵝玩遊戲。

多倫多樓價被大陸人爆買急升,一個六百呎住宅單位最便宜可賣百多萬港元,香港價六分一不到。現在租住的地方同樣是六百呎,市中心優質旺區,包水包電,包中央暖氣熱水,包Club House - 月租折合一萬港元不到。要求低一點的,用香港的劏房價,也可租十五分鐘車程外,四五百尺的舊式單位。

加拿大的好處,是衣食住行也容易負擔得起。就算賺得少一些,起碼仍然有生存的空間。翻譯過在職貧窮的報道,事主住的可是三房單位,廚房比好多香港人的客廳還要大。

岸邊還融著冰,大家爭住上大帽山睇果啲。坐在大石吹著風,見到呢塊朱紅色嘅磚,諗起好多野。

以前,香港人好相信好相信磚頭。升職、買樓、結婚、生仔,咁就係香港人預設的「完美人生」。

回歸前兩年,馬會兼職每小時過百。回歸後兩年,同一份兼職,每小時得返三十。

回歸前兩年,大學生閒閒地賺萬五六月薪。回歸後兩年,我大學畢業第一份工,每個月得返八千。

金融風暴、沙士、金融海嘯,香港人都未死得;自由行、中共殖民、地產霸權、領展、大白象追加又追加嘅撥款,呢啲問題先係逼死香港人的元兇。

你答我,而家香港人仲可以點買樓?結婚?生仔?連啪啪啪都無地方,結婚只可以裸婚,搞生意都交唔起租,只可以幫地產商打工;捱兩年白方包買到樓,買錯長實樓都可能變左壽頭;甚至成為「負姿燦」買樓搵黎跳(問下當年灝景灣啲苦主)。

想瞓街?都被食環半夜噴水趕。

年初一嘅事,話俾香港人知,面對中共同689嘅政治暴力,我地而家只係輸剩一塊磚頭。

當大家讚大陽花、茉莉花革命、烏克蘭變天乜乜柒柒,香港掟幾塊磚就大驚失色鬧「暴徒」,我真係覺得堅好笑。

好吧。我知好多人仲未敢拎磚掟。不如講和理非,紙磚頭,okay?

乜野紙磚頭?星期日,你手上果一票。

一票一磚頭。你每投磚頭一票,就是告訴梁振英,告訴中共,落旺角只係幾百人,但新東仲有更多人,想搵磚掟死梁振英呢個禍港黑手。

專業、理性的公民黨同磚頭割蓆?佢地有樓有車有專業有議席幾萬月一個月架嘛,你呢?

如果你仲係覺得掟磚嘅人係犠牲香港,咁你今晚早啲返屋企,專心睇J5殘體字幕新聞報導吧啦。

#做個開心香港人
#228識揀自己揀

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s