全球行同運 · 加港政治隨筆

作為同志,我不投慢必的理由

SLOWBEAT

民調跌到零嘅慢必被傳棄選,又被霸凌,一澄清完民調應該會稍微反彈。有讀者問我,呢啲係咪自編自導自演的選舉策略?我唔識答。希望唔係。

雖然本身係朋友,大家亦係同志,但經過新東補選後,我唔會投佢。

簡單講,係誠信問題,更嚴重嘅,係立場先行放棄原則嘅問題。

記得新東補選,楊岳橋同性婚姻議題「補鑊事件」嗎?當時加入泛民陣營為楊站台嘅人社兩黨,快慢必事後喺網台節目幫楊岳橋辯護。大家同坐一條船,有責任要幫楊解畫,Fine。不過事實就係事實,如果捂住良心甚至不惜扭曲事實去護短,呢種無底線呃人嘅狡辯,只能無誠信嘅政棍。

楊先生狡辯「立法有序」先為反性傾向歧視立法,咁慢必原本提交嘅公民結合法案又點算呢?到時係咪接受楊先生投反對票?一切誠信同原則,去到利害關頭,原來可以話背棄就背棄。當政治利益可以放喺族群利益之上,身為同志真係無辦法信任你。(註:原定提交嘅法案因拉布,在最後一年嘅會期內無法排程審議)

點解我會咁講?大家可以睇返下面節目條片,8分27秒:
簡略情況(頂得順快必把刺耳嘅尖聲就自己睇片):

慢必引用台灣總統蔡英文,2015年支持同志遊行聲帶,用彆腳國語大聲講出原句:「在愛之前,大家都是平等的。 我是蔡英文,我支持婚姻平權。讓每個人,都可以自由去愛、追求幸福。」跟住用返廣東話講:「佢都無話支持『同性婚姻』!」

快必就立刻揶揄:「係囉,果啲無賴就係話蔡英文唔支持囉!矯扭做作囉!應該第一句就講『我支持同志婚姻』丫嘛!」

慢必先再講埋之後果兩句,反問「咁蔡英文支唔支持同性婚姻呢?」然後二人就齊齊老屈蔡同楊嘅說法係「一樣」。

其實就算你唔解釋清楚,好多人都知台灣講嘅「婚姻平權」就包括咗「同性婚姻」;真係唔好蝦香港人唔識對岸嘅野;而且國語我地亦都識聽,你咁斬件用廣東話講出黎,係有心淡化扭曲人地原意去支持自己論點,亦係太低手。

況且,呢條其實係蔡英文喺2015年支持同志遊行拍嘅片段,佢嘅講法亦都非常清晰,對於支持同性婚姻毫無懸念。至於楊岳橋當時係點答呢?(3″00″開始,為時19秒)

「你好,我係楊岳橋。針對同志婚姻,我真心相信,一個進步的公民社會,不論群體的大小,任何人均應享有自由與平等權利,法治社會更應保障他們在社會不同範疇,免受歧視及遭受任何差別對待。這是每個香港人都值得擁有的一分平等與認同。」

然後楊先生被同志圍插,佢嘅補答,同埋,再補答

所以,我唔會叫大家投慢必仲有楊岳橋。就係咁。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s